Emna, a nostra amica
Dapoi cinque anni, avemu spartutu assai incu ella
Certi scontri piglianu un impurtanza maio , in a vita di un'associu .
Per Associu À Salvezza, Emna hè una di quelle chi ci face ricurda perche a nostra prisenza a fianc'a isse famigliè hè impurtanti .
Emna, una zitellina chì sustenimu dapoi cinque anni, soffre di una malatia arteriale congenitale di a faccia.
so cundizione dumandanu un seguitu medicale assai regulare in parechji uspedali in Francia, cù parechji viaghji per ella è a so famiglia.
Dapoi avà cinque anni, Seguitemu i so viaghji è pruvemu, à a nostra manera, d'esse quì per ella. Cù u tempu, Emna hè diventata assai più cara per noi , chì a sustenimu.
Hè diventata a nostra cara amica
Un novu gestu di sulidarità
U 15 d'aostu 2026, in presenza di u so babbu è di a nostra presidente Alexia Cucchi, Avemu avutu u piacè di rimette à Emna un assegnu di
1 000 €
Una cuntribuzione destinata à aiutà a so famiglia durante u so viaghju, in particulare cù i numerosi viaghji necessarii per u so trattamentu medicu. Un gestu simplice, ma chì incarna perfettamente u scopu di a nostra associazione:
Trasfurma a generosità di certi in un aiutu cuncretu per l'altri.
Una bella storia daretu à issu donu
Stu donu a una storia , duranti issa serata di sustegnu pà Gérard Laurenti-Gherardi, urganizatu da u Cauro jujitsu club incu u gruppu , Chjami Aghjalesi, un omu avia vintu un un rigalu di 1.000 € per un viaghju.
Piuttostu chè di tenelu , hà sceltu generosamente di rimetelu a Associu À Salvezza affinch'ellu possi esse adupratu per un novu attu di sulidarità.
Avemu tandu decisu di rimettelu à Emna.
Cusì, a generosità nata durante una prima azzione , na fattu nascè una siconda per creà una nova catena di sulidarità.
Sulidarità chì si trasmette
Quessa hè dinù ciò chì no vulemu custruisce cù l'Associu À Salvezza.
Un donu, una sera, qualchì ora di vuluntariatu o un simplice gestu ponu qualchì volta andà assai più luntanu di ciò chì no pensemu .
In questa storia, una persona hà sceltu di rinuncià à u so rigalu.
L'associu hè statu tandu capace di trasfurmà stu gestu in 1.000 € d'aiutu per Emna è a so famiglia.
Un'azione porta à l'altra.
Una forma di sulidarità ne dà nascita à una nova.
È cusì chì a nostra associazione pò cuntinuà à agisce.
GRAZI
Ringraziemu di core tutte e persone chì rendenu pussibuli s' atti di sulidarità: i benevulè , i donatori, i nostri partenarii, i participanti à i nostri evenimenti è tutti quelli chì, qualchì volta incu un semplice gestu, sceglienu di pensà à l'altri.
Senza elli, nunda di tuttu què ùn saria pussibule.
Per Emna, sempre.
Cinqu' anni à fiancu à ella…
è continueremu à sustene là
Associu À Salvezza
Aiutu à u populu.