Una sulidarità nata in Corsica
Creata in u 2018 in Vichisi Alzitela i cumuna di Vintisari, l'Associu À Salvezza hè nata da una simplice vuluntà: purtà un aiutu cuncretu à e persone chì si trovanu in situazioni d'urgenza, precarità o isolamentu.
Inizialmente cuncintrata nantu àl' aiutu a e vittime di l'incendii è di u maltempu, l'associu hà allargatu pianu pianu e so attività per include e famiglie in difficultà, i zitelli malati , l'anziani è tutti quelli chì passanu per un mumentu difficiule.
Agisce induve ci hè bisognu
L'Associu À Salvezza intervene u più vicinu pussibule à e persone, ogni volta chì una situazione dumanda una risposta rapida è umana. E so azzioni ponu piglià parechje forme diverse: aiutu alimentariu, acquistu d'arnesi essenziali, sustegnu à una famiglia dopu à un sinistru , equipamentu per una persona anziana, assistenza à i zitelli malati, sustegnu à e strutture chì curanu e persone vulnerabili, o l'urganizazione d'evenimenti culturali è sulidarii L'ubbiettivu ferma sempre u listessu: per furnisce una suluzione cuncreta, cù simplicità è vicinanza
Un'associazione di basa
A Salvezza si basa soprattuttu nantu à l'impegnu di i so vuluntarii. À traversu l'anni, l'associu hà sviluppatu a so reta in parechje rughjoni di Corsica per pudè risponde più prestu à i bisogni.
I vuluntarii donanu u so tempu, raccolgenu forniture è cibo, urganizanu distribuzioni è furniscenu un sustegnu direttu à quelli chì ne anu bisognu. L'associu travaglia ancu cù l'imprese lucali, i negozii, e cumunità è parechje persone chì participanu à l'attività per mezu di e so donazioni o di u so sustegnu materiale.
Più chè un aiutu materiale
A precarietà ùn si limiteghja micca à e mancanza di risorse. Pò ancu piglià a forma d'isolamentu, difficultà d'alloghju, un accidente di a vita, un prublema di salute o una situazione famigliale particularmente difficiule.
Hè per quessa chì A Salvezza vole mantene un liame prufundamente umanu: ascultà, scuntrà, capisce a situazione è dopu furniscè, quandu hè pussibule, una risposta adatta.
Azzioni ch'evolueghjanu incu i bisogni
Dapoi a so creazione, l'associu hà multiplicatu e so iniziative: aiutu à e famiglie, sustegnu à l'anziani, assistenza dopu à l'incendii, furnitura di materiale medicale, sustegnu à i zitelli malati è urganizazione d'evenimenti di sulidarità.
Sviluppa dinù nove forme d'intervenzione, in particulare per mezu di squadre di vuluntarii capaci di furnisce assistenza tecnica è materiale in situazioni difficili.
Una cunvizioni
Nimu ùn deve esse lasciatu daretu.
L'azione di l'Associu À Salvezza si basa annantu à sta cunvizioni è annantu à a mubilizazione di quelli chì acetanu di dà una parte di u so tempu, di e so risorse o di a so energia.
Ogni donu, ogni adesione è ogni impegnu vuluntariu ci pirmette di cuntinuà st' azzioni di sulidarità in Corsica.