AIUTÀ À RICUNQUISTÀ A SO LIBERTÀ
L'accessibilità significheghja ancu pudè campà, sorte è sparte
Un bisognu cuncretu, una suluzione d'urgenza
st' invernu, a squadra tecnica di l'Associu À Salvezza hà visitatu a casa d' una persona cù una mubilità assai limitata per facilità i so spiazzamenti in futogliu medicale
L'accessu à l'alloghju era particularmente difficiule, sia per i so parenti sia per i prufessiunali incaricati di u so trasportu medicale.
I nostri benevule anu fabricatu una rampa d'accessu adatta, purtendu una suluzione simplice è cuncreta à una difficultà d' ogni ghjornu.
Una presa di cuscenza
St'intervenzione ci hà purtatu à approfondisce u nostru pensamentu.
Parlendu cù parechje famiglie, avemu pigliatu cuscenza di e difficultà chì scontranu e persone cù mobilità ridotta è e so famigliè
aldi la di l'accessibilità à l'alloghju, a mancanza di risorse tecniche o finanziarie pò ancu limità i viaghji, l'interazione suciale è sempliciamente a pussibilità di scappà da un capatoghju cutidianu
Una generosità chì apre nove pussibilità
Sta settimana, u nostru impegnu hà trovu un novu ribombu
Un capu d'impresa di trasportu in autobus è taxi di di u rughjonu du Fium'Orbu, scossu da e nostre azzioni, ci hà offertu graziosamente u so aiutu.
Vulendu stà anonimu, ellu metterà à dispusizione di l'associu un veiculu adattatu per u trasportu di persone cù mobilità ridotta.
Un gestu di sulidarità chì ci permetterà d'andà ancu più luntanu è d'offre nove opportunità à e persone che no aiutemu
a partesi da uttrovi 2026: surtite per ritruva appena di libertà
À partesi da uttrovi 2026, urganizeremu almenu una volta à u mese una surtita destinata à e persone cù mobilità ridotta, grazia à u veiculu adattatu messu generosamente à a nostra dispusizione.
Un benevule di l'Associu À Salvezza accumpagnerà ogni surtita affinchè ste persone possinu, per un ghjornu, Cambia di paisaghju, scopre, sparte, ride campa simpliciamente.
È soprattuttu: sorte d'issu mal'esse cutidianu per scappà da a so rutina cutidianu
L'accessibilità significheghja ancu pudè campà
L'accessibilità ùn hè micca solu pudè ghjunghje in qualchì locu.
Si tratta ancu di pudè campà, sorte, sparte è avè a vostra piazza a mezzu a l'altri.
Sta nova iniziativa hè nata da un scontru, un bisognu maio, è a generosità di e persone chì anu sceltu d'agisce accantu à noi.
Un picculu ringraziamentu à u pruprietariu di l'impresa chì furnisce u veiculu.,