Per offre un mumentu d'evasione e di felicita

In u quadru di e so azzioni in sustegnu a e famiglie corse, L'Associu À Salvezza incu una cumpagnia maritima hà urganizatu una surtita in mare in è Bocchi di Bunifaziu per i zitelli distabiliti
Perchè ogni zitellu deve pudè gode di mumenti di scuperta, di rilassamentu è di spartera, l'associu vulia offre li una pausa luntanu da i capatoghji di a vita cutidiana, in u quadru eccezziunale di e costa di bunifaziu
Stu ghjornu hè stata una occasione per scopre u mare in un modu diversu, sparte un mumentu amichevule è soprattuttu creà belli ricordi di famiglia.

Un'azione resa pussibule grazia à a sulidarità

issa surtita hè stata urganizata cù u sustegnu di Cumpagnia SPMB di Bunifaziu,un ringraziu tamantu a SPMB pa u so intaressu è a so generosita
issa cullaburazione illustra perfettamente u nostru impegnu: riunisce associazioni, vuluntarii, imprese è attori lucali intornu à azzioni simplici è cuncrete à pro di famiglie è zitelli in du bisognu o cupliti di malatia
   Una surtita in barca in le bocchi di Bunifaziu
    Un mumentu di rilassamentu è di cuntintezza
    Un ghjornu di spartera
Ricordi da creà inseme

U nostru impegnu per e famiglie

Stu ghjornu in mare hè un esempiu di l'azzioni chì L'Associu À Salvezza vole sviluppa per furnisce un aiutu cuncretu, ma ancu mumenti di felicità, di riposu è di cunvivialità à e famiglie corse.
A sulidarità ùn hè micca solu di risponde à l'urgenza. Si tratta ancu di permette à tutti di sperimentà mumenti chì contanu in la vita