140 bugni arrubati: a sulidarità s'urganizeghja
A fiancu à Gérard, apicultore di a Castagniccia
À a fine di ghjugnu è à u principiu di lugliu 2026, un arubecciu eccezziunale hà culpitu dui apicolture in Castagniccia.
Per Gérard Laurenti-Gherardi, a perditta e immensa: 140 bugni spariscenu di a so spluttazioni
Anni di travagliu, passione è pazienza spariscenu in poche ore.
Un arrubecciu chì supraneghja a perdita materiale
Un arrubecciu chì supraneghja a perdita materiale
U 15 di lugliu di u 2026, A stampa lucale hà trattatu largamentu stu casu e l'angoscia di l'apicultore. u cunstatu hè impressiunante: spiazzà tanti bugni , dumanda una vera urganisazioni , incu mezzi adatti e una cuniscenza di stu mistieru
In tuttu, l'articulu face u rapportu nantu à 240 alveari arrubati da duie spluttazioni agricule in Castagniccia, frà i quali 140 appartenenu à Gérard. Per ellu, e cunsequenze sò cunsiderevuli.
Un bugnu ùn hè micca solu una scatula chì cuntene l'ape. Riprisinta anni di travagliu, una culunia sviluppata paziamente , è una parte essenziale di u strumentu di pruduzzione di un apicultore. À quessu si aghjunghjenu e perdite di pruduzzione a vene è a difficultà di ricustruisce un bugnaghju
Ma malgradu issa malfata, Gérard ricusa di rinuncià.
Una mubilizazione in sustegnu à l'apicultore
Quand' avemu amparatu ciò chì era accadutu, era per noi impussibile di stà indifferenti. Qualche settimana dopu, u 8 d'aostu, U incu u Cauro Jujitsu Club e associu a salvezza avemu urganizatu una grande serata intornu à a sulidarità.
Una parte di a ricetta di sta serata duvia esse rimessa à Associu À Salvezza.
Di fronte à a situazione di Gérard, a nostra decisione hè stata naturale:issa cuntribuzione sera per ellu.
Una serata caritativa trasfurmata in aiutu cuncretu
Grazie à u Cauro Jujitsu Club, l'urganizatori, i vuluntarii è tutte e persone prisenti durante sta serata, di sulidarita a purtatu dinu un missaghju ,
Sta mubilizazione ùn rimpiazzerà di sicuru micca 140 bugni arrubati nè l'anni di travagliu persi. Ma porta un missaghju essenziale:
Gérard ùn hè micca solu.
Perchè al di là di u donnu , decine di persone, ognuna à a so manera, anu vulsutu mustrà li u so sustegnu.
simu andati a scuntralu
Hè cun grande emuzione che no simu andati à scuntrà Gérard pe rimetali sta cuntribuzione.
Jean-Louis Cucchi, tesorieru di l'Associu À Salvezza, è ancu Mighé Baltolu, rispunsevulè à a cumunicazione di l'Associu, anu ripprisintatu l'associu pà l' occasione.
Un mumentu simplice, ma pienu di significazione . Un ricordu chì a mezu à e difficultà, a sulidarità pò ancu aiutà ci à ricuperà qualchì forza per cuntinuà.
Una catena di sulidarità
Vulemu sprime i nostri più grendi ringraziamenti à:
u Club di Jujitsu di Cavru , u gruppu Chjami aghjalesi, l'urganizatori di a serata di l'8 d'aostu, i vuluntarii, i participanti è tutti quelli chì'anu cuntribuitu, direttamente o indirettamente, à sta mubilizazione.
Perchè un'associu ùn pò fà nunda solu
ghjè incu una mossa di tutti, che no pudemu da tuttu u so senzu a sta parolla SULIDARITA Aiutu è fratelenza.
140 bugni arrubati.
Anni di travagliu smarriti
Ma una vuluntà accanita di cuntinuà.
Perchè in Corsica, quandu unu di i nostri hè culpitu da u male Avemu u duvere di fa l'unione
Forza Gérard!